பிரிந்த காதல்

பிரிந்த காதல்




ஆண்டாறுகள் தினமும்
வண்டுபோல சுற்றி சுற்றி வந்து
உன் இதயத்தை துளைத்த
சின்ன தேவதை இவளை

அன்பாக அரவணைத்து
மென்மையாக முத்தம் தந்து
தோளில் தலைசாய விட்டு
கையில் மருதாணி போட்டு

பெண்ணிவளை அழகுபடுத்தி
கண்களை சிமிட்டி ரசித்து
பன்னிரண்டு பற்கள் தெரிய சிரித்து
கன்னங்களை தொட்டுக் கிள்ளி

அனுதினமும் அலுப்பின்றி
அணுவணுவாக காதல்செய்த
நீயா என்மீது சந்தேகம் கொண்டு
நாயே பேயே என திட்டினாய்..

பிரிந்திடாமல் எந்நாளுமே
பிரியமோடு வாழ்வேன் உன்னோடு
என்றெண்ணிய என் பிரியாக்காதல்
இன்று பிரிந்தது உன்னால் காதலா.




வெண்ணிலா